mon ti servi delo pou geri OBESITY:
an Novanm 2000, mon ti pez 525 liv. (2.2 liv=1 kilogram)
la konmela, zanvye 2003, mon pez 225 liv. la ki mannyer monn fer li.
mon zistwar i senp. pour trannde(32) an mon lavi mon ti kontinyen manz tou bann move manze e bwar tou labwason malsen ki ou kapab mazinen. Mon lavi pour 32 an ti enn ki ti ere. mon ti annan bokou zanmi, bon louvraz e en manman merveye me malad. mon ti ariv ase byen pou en dimoun mon groser. mon ti aktiv, zwe sport e konpetisyon dan karate, tou sa bann aktivite ki ti pou promot en stil lavi an bonn sante oubyen perdi pwa. sepandan mon ti manz tou sa ki pa bon pour ou an gran kantite, dan bann move moman e mon ti swiv li par bwar lit soda oubyen lalkol.
mon regard an aryer la konmela e mon ti kapab onnetman dir san okenn rezervasyon ki ti annan bann moman ziska en mwan ki mon ti napa okenn delo. delo pa ti zanmen gou pour mwan, e otan ki mon kapab rapel, i ti toultan donn mwan en douler vant. petet i ti fer li. petet i ti sikolozik, akoz mon pa ti vreman bezwen bwar delo. mon ti kontan soda e mon ti kapab fasilman asize e bwar en boutey de(2)-lit avek en sel repa. en repa i kapab en gran pizza avek tou keksoz ek lezel poul, 10:30 aswar.
mon ti kapab rapel de a trwa fwa par semenn mon ti komann avek en laboutik pizza lokal en gro stek fromaz avek fromaz an plis e en boul lavyann avek fromaz an plis e manz tou le de avek en soda de lit, ankor tre tar aswar. bann moman ki mon rapel manz plis sete ler mon ti tousel aswar oubyen zis retourn kot lakour apre travay tar aswar, pa fatige e ti pou manze. Menm dan bann moman kot mon pa ti vreman lafen. I ti vin en routin pour mwan fer sa regilyerman.
mon bann bomaten pa ti meyer non pli. mon ti fer bann stop toulezour kot McDonald's lokal lo mon semen pou al travay pou komann de a trwa sandwich pti dezennen pou en dimoun e ankor mon soda prefere. ler mon mazin deryer mon realize ki sa routin ti kontinyen pour plizyer lannen ziska en pwen ki mon pa ti kapab dir onnetman kan mon ti konmans sa destriksyon masiv lo mon lekor. i pa ti ede pou annan detrwa zanmi ki ti osi bann gro dimoun, en lot mo pou obez, ki ti manz bokou. mon bann zanmi ek mwan nou ti regilyerman al tou bann bife dan lavil. I ti ariv en pwen kot nou ti ganny rekonnet e nou non ti ganny kriye parey Norm lo "Cheers." pa en keksoz pou fyer lo la. pli boner mon ti dir ki mon ti en dimoun tre ere e mon ti annan bokou zanmi merveye. sepandan mon ti vreman tousel, mon ti napa personn pou partaz mon lekor avek.
preski tou mon bann zanmi ti marye, amoure e ti annan bann zoli konpanyon pou vin kot lakour. tou sa ki mon ti toultan anvi pour mwan menm me pa ti realis avek mon groser. perdi pwa pa ti enkrwayab pour mwan. mon manman ti vreman malad, antre e sorti lopital plizyer fwa avek maladi poumon. detrwa fwa i ti preski pa reisi. mon ti vreman per e ankor mon ti trouv en lot leskiz pou manze e manz bokou. mon manman ti evantyelman vin en pti pe pli byen e pa ti bezwen mwan laba tou letan.
an Novanm 2000, a laz trant an, mon ti konmans konsider seryezman met agraf vant pou ed mwan perdi pwa, si mon ti anvi onnetman viv. avek sa pwa sans pou viv bokou pli lontan pa ti pou tro bon. mon ti pe santi stres mon pwa masiv lo tou mon bann zwen ti pe tonm malad pli souvan e mon ti ganny admit lopital plizyer fwa avek tromboz lavenn profon. mon ti tre sakre e tre tousel. mon ti konnen ki ti'n ler pou vin serye lo perdi pwa oubyen mor. mon mazinen ou pe mazinen konbyen mon ti peze. mon ti pez en kantite 525 liv. mon ti met en semiz sis-ekstra-gran e ti annan en laliny leren swasanndi-de(72) pous. le 21 zanvye 2001, mon ti konmans mon parkour tre long ver en nouvo lavi.
No comments:
Post a Comment