Fijian: Vola na vosa oqo ka cavuta ena veisiga ….

 Vola na vosa oqo ka cavuta ena veisiga ….

Sa bula tiko vei au na Vosa ni Kalou.  Niu vosataka, au sereka e dua na kaukauwa bula ka veisautaka na noqu ituvaki. 

 Sa tiko vei au na Vosa.  Na ka au gadreva me salavata kei na Vosa bula e yaco mai. 

 l am na ka e tukuna o Koya l am.  Sa tu vei au na noqu veivakabulai.  E sega ni lewai ira na ibulibuli vou o Setani.  Nai au na ibulibuli vou. 

 E solia vei au o Jisu na kaukauwa ni veivakadonui me baleta na yacana.  Au vakayagataka ena doudou ka tekiduru na duru kecega ki na yaca oya niu vosataka.   Au sa dua na ibulibuli vou.   Sa tu vei au na noqu veivakabulai.  E sega ni lewai au na ivalavala ca.  E sega ni lewa na yagoqu na mate.  E sega ni lewa o Setani na ibulibuli vou oqo.  E tu vei au na kaukauwa ni loya ena yaca e cecere cake mai na yaca kecega. 

 Sa tu vei au na noqu veivakabulai.  Na YALO ka vakaturi Jisu cake mai na mate e bula tiko vei au ka solia na bula ki na yagoqu vakayago.  Na mate e sega ni lewa na yago oqo ka’u sa vakaraitaka na bula ni Kalou e cakacaka tiko vei au.

 Sa tu vei au na noqu veivakabulai.  Na Kalou e vakarautaka na gagadre kecega me vaka na Nona iyau kei na lagilagi.         E sega ni lewa o Setani na noqu veivakarautaki ka’u sa vakaraitaka na levu ni MATANITU e cakacaka tiko ena noqu ilavo.

 Sa tu vei au na noqu veivakabulai.  Ena sega ni lewai au na ivalavala ca.  Na qase e vakarurugi ena ka oqo e sa mate.  Au sa buli vou ka’u sa bula mai na noqu itovo vou.

 Na noqu agilosi e uasivi cake ena kaukauwa ka vakarorogo ki na domo ni Vosa ni Kalou e gusuqu.  Au vakayacora na veivuke mai lomalagi ena noqu veivutuni. 

 Mai na imatai ni siga au tukuna kina na Vosa, sa sauma mai o lomalagi.    Na noqu vosa e vakayacora na veivuke vakaagilosi ka’u maroroya tikoga na noqu veivutuni me yacova ni sa yaco mai na veivakarusai. 

 Au tiko ena vanua vuni.  Na Kalou sa noqui drodro.  Ena sega ni yacovi au e dua na ka ca ka sega ni dua na mate ca ena volekata na noqu itikotiko.

 Na Kalou e vakarautaka na gagadre kecega me vaka na Nona iyau kei na lagilagi ena vuku i Karisito Jisu.  Me vaka e vakaraitaka na Filipai 4 tikina e 19, au vosataka na Vosa oqo me baleta na noqu ilavo ena gauna oqo.  Au vakayagataka na veivuke vakaagilosi e lesi ki na noqu bula.  Au vakaraitaka ni sa lako mai na veivakarautaki mai na veivanua kecega ka’u namaka me dolavi na katuba ka sega ni dua na iwalewale vakayago e rawa ni dolava. 

        Au kacivaka na Vosa ni Kalou vei ira na luvequ(ra) ena gauna oqo.  Ena sega ni yaga e dua na iyaragi sa caka me valuti ira.         Era lesi vei ira na agilosi ka ra dau raica na agilosi oqori na mata i Tamaqu.  Au vosataka na veitaqomaki, vuku, kei na nona dreta mai na Yalo Tabu na bula nei luvequ.  Ena yaca i Jisu Karisito, au vakayacora na veivuke mai lomalagi ena veituvaki kece e sotava tiko na luvequ(luvequ) ka sega ni rawa niu yacova. 

 E sega vakadua ni moce na yaloqu.  Na Yalo Tabu e veitaratara kei na noqu tamata e loma ena bogi taucoko ka’u sa vulica tiko meu ciqoma na veika e biuta.

  Au sa vakarautaka na ituvatuva ni noqu bogi kei na Vosa. Na yaloqu e vakarautaka na sorenikau bula ena noqu moce ka’u yadra mai ka kauta tiko na ka e biuta na Kalou.

 Yalo Tabu, au gadreva na vuku me baleta na ka oqo. O ni sa kila na kena itinitini mai na ivakatekivu. O ni sa kila na veitikina kece sara ni ituvaki oqo ka’u sega ni raica rawa mai na vanua au tu kina. Au sa kerei kemuni mo ni vakadewataka na veika au gadreva meu kila ena yaloqu ena bogi ka’u sa yalataka meu ciqoma ena mataka.

 E sega ni lailai o Jisu Karisito. O Koya na kaukauwa ena liga imatau i Tamada. Ka’u sa torova na Nona Vosa ena vakanuinui taucoko e dodonu me rawata.

  Au lako mai ena doudou ki na idabedabe vakatui ni loloma soli wale. O Jisu Karisito e noqu dauveitokoni ka noqu tu ena mata ni TAMADA e yavutaki ena Nona itukutuku, sega ni noqu.

 Au sa vakaivotavota ena ituvaki vakalou. E tu vei au na Nona itovo ni vakabauta. E tu vei au na Nona itovo ni loloma. E levu cake o Koya e tiko vei au mai vei koya e tiko e vuravura. Au sa ikoya na ka e tukuna o Koya l am. E tu vei au na ka e tukuna o Koya ni tu vei au. Au rawa ni cakava na ka e tukuna o Koya niu rawa ni cakava.