Papiamento: Skirbi e palabranan aki i papia nan diariamente ….

 Skirbi e palabranan aki i papia nan diariamente ….

E Palabra di Dios ta bibu den mi. Ora mi papia esaki, mi ta libera un forsa bibu ku ta transformá mi sirkunstansianan. 

      E Palabra ta keda den mi. Loke mi ta eksigí den liña ku e Palabra bibu ta bini na eksistensia. 

      mi ta loke E ta bisa mi ta. Mi tin mi redenshon. Satanas no tin dominio riba e kreashon nobo. I ami ta e kreashon nobo. 

      Hesus a duna mi poder di abogado riba Su nòmber. Mi ta us’é ku kurashi i tur rudia ta bùig pa e nòmber ei ora mi papi’é. Mi ta un kreashon nobo. Mi tin mi redenshon. Piká no tin dominio riba mi. Malesa no tin outoridat riba mi kurpa. Satanas no tin dominio riba e kreashon nobo aki. Mi tin e poder di abogado riba e nòmber ku ta riba tur nòmber. 

      Mi tin mi redenshon. E SPIRITU ku a lanta Hesus for di morto ta biba den mi i ta duna bida na mi kurpa mortal. Malesa no tin outoridat riba e kurpa aki i mi ta deklará e bida di Dios ku ta operá den mi.

      Mi tin mi redenshon. Dios ta suministrá tur nesesidat segun Su rikesa i gloria. Satanas no tin dominio riba mi provishon i mi ta deklará e abundansia di e REINO ku ta operá den mi finansa.

      Mi tin mi redenshon. Piká lo no tin dominio riba mi. E hòmber bieu ku ta sometí na esaki a muri. Ami ta e kreashon nobo i mi ta biba di mi naturalesa nobo.

      Mi angel ta sobresalí den forsa i ta skucha e bos di e Palabra di Dios den mi boka. Mi ta aktivá asistensia di shelu ku mi konfeshon. 

      For di e promé dia ku mi papia e Palabra, shelu ta respondé. Mi palabranan ta aktivá asistensia angelikal i mi ta mantené mi konfeshon te ora e avance yega. 

      Mi ta biba den e lugá sekreto. Dios ta mi refugio. Ningun malu lo no pasa ku mi i ningun plaga lo no yega serka di mi lugá di biba.

      Dios ta suministrá tur nesesidat segun Su rikesa i gloria pa medio di Kristu Hesus. Manera Filipensenan 4 versíkulo 19 ta deklará, mi ta papia e Palabra aki riba mi finansa awor aki. Mi ta aktivá e asistensia angelikal asigná na mi bida. Mi ta deklará ku provishon ta bini di tur direkshon i mi ta spera portanan habri ku ningun strategia natural por a habri. 

                 Mi ta deklará e Palabra di Dios riba mi yunan awor aki. Ningun arma formá kontra nan lo prosperá. Angelnan ta wòrdu asigná na nan i e angelnan ei semper ta mira e kara di mi Tata. Mi ta papia protekshon, sabiduria, i e halamentu di Spiritu Santu riba bida di mi yu. Den e nòmber di JesuCristu, mi ta aktivá e asistensia di shelu riba kada situashon ku mi yunan ta enfrentá ku mi no por alkansá. 

      Mi spiritu nunka no ta drumi. Spiritu Santu ta komuniká ku mi hende interno durante anochi i mi ta siñando pa risibí loke E ta depositá.

       Mi a pone e agènda pa mi anochi ku e Palabra. Mi spiritu ta prosesá simia bibu dor di mi soño i mi ta lanta kargando loke Dios a depositá.

      Spiritu Santu, mi mester di sabiduria tokante esaki. Bo konosé e fin for di kuminsamentu. Bo konosé kada dimenshon di e situashon aki ku mi no por mira for di unda mi ta para. Mi ta pidi bo pa komuniká loke mi mester sa pa medio di mi spiritu den anochi i mi ta komprometé pa risibí esaki den mainta.

      Hesukristu no ta chikitu. E ta Esun poderoso na man drechi di e Tata. I mi ta aserká Su Palabra ku e pleno konfiansa ku e meresé.

       Mi ta bin ku kurashi na e trono di grasia. Hesukristu ta mi defensor i mi posishon dilanti di e TATA ta basá riba Su registro, no di mi.

      Mi ta un partisipante di e naturalesa divino. Mi tin den mi Su naturalesa di fe. Mi tin den mi Su naturalesa di amor. Esun ku ta den mi ta mas grandi ku esun ku ta den mundu. Mi ta loke E ta bisa ku mi ta. Mi tin loke E ta bisa ku mi tin. Mi por hasi loke E bisa ku mi por hasi.